日悅極尚日式放題 (已結業)

日悅極尚放題，之前扎根係尖沙咀嗰時已經聽過佢大名。已經幫襯過，對佢寬敞嘅環境感到十分驚喜，加上食物嘅選擇多，熟食又夠熱，所以印象都幾好。今次喺旺角創興廣場樓上開咗，同一個好鍾意食放題嘅朋友一試，試吓兩間分店有冇分別。價錢明碼實價，夜啲去仲有優惠。但係朋友話呢個價錢係放題餐廳入邊算係普遍，唔算係太貴。一如以往，除咗紙上面嘅食物之外，店入邊仲有自助嘅前菜、湯品、飲品等等！仲有啤酒，梅酒都係任飲！刺身當然係首輪必點嘅食物，令人感動嘅係有油甘魚，唔係好多放題點樣呢個選擇。仲有赤貝、劍魚腩、榮螺等等另外一個令人好滿足嘅就係，串燒海蝦，海蝦每一隻都好新鮮，平時出去食一串都要幾十蚊，係呢一度可以食返夠本了。另外後面嘅燒帆立貝都好多汁，加上沙律醬酸酸地幾開胃。另外不得不提嘅係呢一度嘅海膽手卷都係任點飲食。海膽都算新鮮，味道還可以，呢個質素都係抵食。叫埋牛肉的壽喜燒暖下胃，湯幾清甜！最後整翻個 affagato! 雀巢嘅雪糕係任食，不過呢一間同尖沙咀唔同嘅地方就係 moovinpick / haagen daz只能二選一，無得任食，埋單之後店員會主動攞俾你。呢度的熟食同尖沙咀一樣咁好，熱辣辣而且都好食。