One More Hotpot 來一鍋 (已結業)

今晚放工出左銅鑼灣買d野，於是約左係附近返工ge朋友去打邊爐。呢度有兩款火鍋套餐選擇，套餐包左preset ge 野之外，仲有一大堆配料同配菜任食，而且紅白啤酒汽水任飲。 最後我地揀左海鮮火鍋套餐，鍋底揀左花膠螺頭雞鍋（濃湯）。湯底很足料，有唔少花膠螺頭，而且十分濃味及鮮甜。呢個套餐本身已經包括左唔少靚野，分別有海鮮拼盤，入面有龍蝦、象拔蚌、大蝦、刀貝、廣島蠔。淨係呢盤都已經覺得抵番晒，海鮮好新鮮。特別推介龍蝦，大大隻，肉質鮮嫩彈牙，好好味。即炸響鈴每次邊爐都好鍾意食響鈴，索晒個湯底，正！即炸魚皮好新鮮同香脆，口感一流！手工韭菜餃、西洋菜餃，芫荽餃、獅城魚尾雲吞，款式幾特別，出面好少見到。懷中抱月（豬肉釀瓜環）、鬼鬼馬馬（墨魚膠釀油炸鬼）、手工安格斯芝心牛丸、西班牙豚肉黑松露丸、炸蝦乾墨魚丸，特別推介西班牙豚肉黑松露丸，啖啖黑松露味。肉類三選一，我地揀左蒙古羊肉，份量十足。食完餐廳preset 野食已經夠晒飽同好滿足👍🏼打邊爐任飲第一次見有紅白酒揀除此之外飲品選擇亦唔少。總括而言，餐廳野食性價比十足。