日常素食 (已結業)

同屋企人去完黃大仙都會食下齋菜先返屋企，剛好見到黃大仙北館有素食餐廳。而且自助午餐價錢都只係$88一個人！相當抵食。冷盤有自助沙律，涼拌和糕點等等，全部都自由配搭。其他食物，如熱盤，炸物，蒸點，湯/粥/糖水等一應俱全。選擇都頗多。冬瓜湯：呢這素湯即使無肉都非常清甜滋潤！用的材料都好足，將老冬瓜煲至軟身令味道更出，而且有消暑之效！呢個天氣要飲多兩碗。食完一輪之後，有幾款的食物很推介大家食！炸南瓜：淡黃外皮包住橙黃軟糯的南瓜，南瓜入口甘香帶甜味道極好，食多幾舊都唔覺得油膩。蘿蔔糕：這個素的蘿蔔糕令人十分驚喜，因爲它比有肉的蘿蔔糕更好吃！！！蘿蔔糕煎得很香口，口感外脆内軟，雖然沒有使用臘肉！但卻能感受到那種滋味，令我非常意外。最後還有豆腐雪糕！口感順滑之餘帶有淡淡的豆腐味！而且外面很少有素食雪糕，真係要食多幾次。