添好運點心專門店 (裝修中)

之前一直聽朋友介紹添好運點心專門店，但因為有名氣,長期都要排隊等位，而家開多左分店之後終於有機會試到啦。今次係平日的晚上去，大約8點幾唔算多人，一入到去就有位，都幾多外國人已經係入面。黎之前已經有想試的野食，所以即刻就已經落左單，每樣野食都係二十幾三十蚊，可以試多幾款。落單後大約10分鐘就已經有野食了，都幾快，但d野食全部都熱的，唔會係放左好耐的感覺。酥皮叉燒包真心好食，入面的叉燒甜甜地再夾埋出面脆的外層，而且份量岩岩好，唔會太大個之後試唔到其他野，兩個人食每人食1.5個都冇問題。黃沙豬潤腸一路都聽講豬潤腸好出名，所以黎到一定叫，味道唔錯，但好可惜豬潤的量唔多，好多時都係食到個腸粉皮。鮮蝦燒賣皇蒸出黎之後外觀唔錯，食落去都食到隻蝦，但唔算係太特別，同平時的燒賣差唔多。鮮蝦餃每隻蝦餃都皮薄而且蝦的份量都多，不過味道就冇咩日特別。沙律海皇卷本身飲茶食點心我都好少叫春卷類的點心，但今次比到驚喜我！卷外面炸到香脆，但唔會油膩，同入面的沙律醬又幾夾！總結黎講算係平價好食之選，每人都只係大約六十蚊埋單，就已經試到好多款點心而且飽肚，而且最開心係奧運分店冇咁多觀光客，排隊都冇其他分店咁誇張！