金滿膳燒味餐室 (已結業)

本以為牛頭角呢間茶餐廳其貌不揚，估唔到有驚喜。🤩🤩今餐3人食都好飽滿，我諗4個人食都夠飽，全海鮮盛宴都係$500唔洗🤩🤩🤗開心花甲粉 $68錫紙包住一包份量好多，熱度十足。花甲都新鮮，充滿蒜味；粉絲亦非常入味，少少辣，連花甲一齊食更正。🤗燒生蠔 $68/3隻。每隻都充滿蔥蒜，亦都似係醃製咗一段時間，因為食落去好入味，亦有香香嘅燒烤味。🤗大扇貝$108/3隻。同樣充滿蔥蒜同夠入味。夠鮮夠大隻值得一試，唔韌無渣。🤗麻辣小龍蝦$228。呢個價錢嘅話分量就少咗啲啲不過都可接受。呢種麻辣程度係愛麻辣者必定要試。啲肉全部都吸收曬麻辣嘅味道，亦都夠鮮。