Romanne Leisure Food Concept (砵蘭街) (已結業)

平時行街去得最多就係朗豪坊商場，原來隔離都有一棟大廈全部都係食肆叫朗晴坊🌞。每一層都有唔同嘅食物，而今日就同友人試吓樓上嘅一間西餐❤️ 一入到去見到裏面都係綠色好似叢林嘅佈置🍃有種城市中嘅綠洲感覺🌱我哋兩個人去叫咗2個dinner set 價錢大約百幾蚊包左沙律餐湯飲品，性價比都幾高👍首先店員好快手就來走個餐湯同埋沙律沙律菜汁酸酸地幾開胃🥗餐湯就係橙色嘅蕃茄湯旁邊仲塊項熱咗多士，浸埋啲湯食味道啱啱好☺️烤龍蝦明太子櫻花蝦伴烏冬🦞🦞平時食開明太子意粉第一次明太子食撈烏冬感覺都幾特別，烏冬感覺煙銀彈牙，明太子嘅份量都好較多夠晒足料！鍾意食明太子嘅人千祈唔好錯過。主角龍蝦🦞都非常吸引，一上枱嗰刻嗰種燒烤嘅味道完全係格住口罩都聞到😍😍龍蝦嘅肉都算彈牙，不過味道就唔算太出，要靠旁邊嘅明太子汁調味。用$138嘅價錢食呢個質素嘅龍蝦簡直係物超所值👍北海道帶子牛油果忌廉意大利粉🥑🥑呢樣餸望落去個賣相本身唔太大期望，因為個意粉汁顏色望落去比較淺色，感覺好似冇乜味。但食落去原來係另一回事🥳，當將牛油果撈埋落去之後，意粉嘅口感即時變得creamy好多，仲有啲三色椒撈埋落啲意粉度，朋友嘅感覺話有啲似Pizza🤣。