Homeland (東昌街) (已結業)

其實住咗喺大埔都好多年，居然都冇乜同男友去下高級西餐廳拍拖（儀式感欠奉）。🙈🙈🙈不過其實大家都已經老夫老妻，今日有幸男友同我去咗Homeland呢間餐廳，$148 一個set ，包前菜、主菜、飲品，仲可以加錢加小食同甜品～兩個前菜分別揀咗一個煙三文魚凱撒沙律同埋鮮打法式龍蝦湯（+$18），煙三文魚凱撒沙律份量一般，都係一小碗湯碗粉量，但叫做生菜爽脆新鮮，作為前菜都分合適。至於鮮打法式龍蝦湯則鮮味濃郁，真材實料，入面都有五六粒龍蝦肉。至於主菜叫咗冬陰公赤蝦寬條麵同埋和牛漢堡薯條（+$18）冬陰公赤蝦寬條麵嘅赤蝦非常新鮮，有兩大隻～食落都好入味～而寬條麵係餐廳手工製造，有咬牙得嚟亦十分掛汁～冬陰公醬汁濃郁，夠惹味。而和牛漢堡薯條份量夠哂大份，仲可以揀生熟程度。我哋揀咗半生熟，和牛漢堡略有粉紅色。一咬下去就爆哂肉汁。最後加咗$58換一份香草牛油白酒煮青口，都有8大粒架～而香草牛油味道濃郁，又有淡淡白酒清香，都幾抵食～總結就係食物質素算高，價格都合理～我哋都對於今日嘅拍拖行程好滿意❤️💖。