柳氏家 (已結業)

睇完魷魚遊戲太掛住韓國嘢食🤣，搵咗呢間食韓國菜嘅buffet，低至$258就可以任食辣炒雞+烤肉+炸雞+韓國小食，緊係要試試佢！食物種類真係超多，我哋試極都試唔晒🤣，啱晒好掛住韓國食物嘅你！ 最抵讚嘅係每個店員都好有禮貌👍🏻，入座後會講解清楚點order食物，仲會落蛋漿整個爐邊蛋，可以食住等其他嘢食～呢個價錢有咁多嘢食算係幾抵！▪️韓國小食▪️自助區有勁多韓國小食，例如年糕、魚糕、炒粉絲、人蔘雞湯、韓式炒飯等😍 仲有好多前菜，例如泡菜、醃蘿蔔、涼拌青瓜，生菜（可以包烤肉食）～▪️招牌鐵板雞▪️鐵板雞都有幾款，今次我地試咗招牌嘅柳氏家辣炒雞，本來以為喺爐到即炒，但原來上枱嘅時候已經炒好咗🤣，食落唔會好辣，仲有年糕、菜等可以配埋一齊食！▪️烤肉▪️✔️牛肋骨大大件食落肥瘦適中🤤✔️牛護心好香牛味同好厚肉，燒耐少少會好食啲✔️豬頸肉食落好爽口，不過可以醃得再濃味啲✔️厚切豬腩肉呢個真係大推😍，原條上真係好似去咗韓國食咁，燒香咗剪開真係超好食，記得記得連埋皮食最好食，煙煙韌韌口感一流👍🏻✔️自助區仲有好多肉類同配料可以任拎，包括餐肉、腸仔、雞肉、豬扒等，豬扒薄薄哋雖然望落幾瘦，但都唔會痴牙😳▪️海鮮▪️食放題最怕啲蝦會