孖寶車仔麵 (已結業)

自己本身唔係住開呢頭 尋日咁啱約咗一個住呢頭嘅朋友食飯 佢話大壩街好多好嘢食 由荃灣廣場一出嚟就已經畀個好光猛嘅霓虹燈招牌吸引到咁啱好耐冇食車仔麵就決定下入嚟試一試呢度啲裝修行懷舊風 但係又唔係完全跟足以前 嘅舖頭幾有深意思睇得出有落心機喺環境方面👍🏻係最重要嘅嘢食方面 主打當然係車仔麵啦 我嗌左幼麵 牛腩 辣魷魚 同埋辣魚蛋 再加埋沙爹汁 我同朋友夾份食咗個鹵水拼盤 有鳳爪雞翼蘿蔔等幾樣配料 講番碗麵先 啲麵夠彈牙 沙爹汁好香好惹味 兩樣野加埋絕對係1＋1＞2！🌟 啲牛腩同辣魷魚都好入味 值得一提嘅係佢嘅辣魷魚係分開上 等佢啲汁唔會比啲湯沖淡左 夠晒貼心❤️ 仲有就係佢嘅辣魚蛋同辣汁辣得黎亦好好食非常過癮食到完全停唔到口 我自己就唔係特別食得辣 淨係食辣魚蛋都食到出晒汗 朋友本身食得辣加左大辣汁都比佢辣到流哂鼻水 老闆娘同我地講就算本身係譚仔食特辣嘅人都試過比呢個辣汁辣親 對辣野感興趣嘅人絕對可以過黎挑戰下🔥🔥🔥 個滷水拼盤都唔錯 啲嘢全部都好入味鳳爪蘿蔔夠淋全部野都大大件十分抵食😋😋總括黎講 孖寶車仔麵嘅食物嘅好食又唔唔貴 CP值高 老闆娘又nice 係一間值得一去嘅餐廳👍🏻👍🏻👍🏻