法國飯店

營業中

休息中

香脆焗深海鱈魚柳配南瓜蓉忌廉汁($398)魚肉飽滿零雪藏味，肉質結實頗有彈性👍🏻味道清爽層次豐富，食落唔會好似炸魚咁有少少被炸漿蓋過魚嘅鮮味👏🏻忌廉汁一向都係魚柳良伴👊🏻南瓜蓉口感順滑，咁樣配搭冇咁悶🤩創新過就咁蔬菜墊底🙌🏻蕃茄龍蝦汁海鮮意大利飯($328)粒粒分明唔係糊狀，收汁出色👏🏻每一粒飯都掛上滿滿嘅蕃茄龍蝦汁👍🏻醬汁唔係普通罐頭行貨，香甜鮮味😋比例調配到位，蕃茄同龍蝦汁唔會有搶味情況出現🙌🏻青口超大隻極鮮美，略帶海水味🌊餐廳環境闊落，卡位梳化舒適🛋先唔講個海景幾咁無敵，呢個價錢食到咁高質素嘅西餐🤤真係物超所值！