築地日本料理 (結志街) (已結業)

收工去飲野前搵少少野打個底，同事話蘭桂芳呢間居酒屋趁晚市早段仲未坐滿，可以去試試。由於之後仲要飲野嘅緣故，少少地叫左幾款野食試下，順手打個底等一陣飲野無咁傷。今日試左，清酒煮蜆、燒雞軟骨、同燒鯖魚。清酒煮蜆d清酒唔講得笑，落左重本清酒，飲湯都飲得出清酒味。燒雞軟骨都燒得唔錯，夠乾身，鹽燒味夠突出。鯖魚都燒得夠乾身，呢個價錢有兩大塊，中環黎計算性價比高。另外值得一提呢度有好多日本漫畫poster，營造到一個老式日本居酒屋感覺，非常舒服。