影片
更多
2019-09-17
2206 瀏覽
沙田Royal Park Hotel 入面間餐廳2+2 Cafe 做緊龍蝦，生蠔同埋鵝肝海鮮自助餐，認真小編好耐都未食過自助餐啦已經，睇到Instagram其他foodie介紹到咁天上有地下無咁，今次真係要識下佢究竟係龍與鳳！/海鮮篇小編真係好開心佢哋有提供即開美國生蠔，青口，海蝦🦐，松葉腳蟹🦀，炙燒波士頓龍蝦🦞等等。值得一提係佢哋嘅生蠔，如果講size唔會話好大隻，屬於比較爽口類型而且食落好清爽。波士頓龍蝦主要有兩種dressing俾大家揀，分別係鵝肝蛋黃醬&柚子蛋醬，小編就鍾意後者啦小清新。其他海鮮都above average，唯一小小抱怨就係fiil蟹腳速度，快小小大家都可以食到鮮甜蟹腳啦。/前菜篇日本特色冷麵配上木魚絲和紫菜，加埋小小冷麵汁，如果唔係自助餐小編肯定啪10碗！另外佢哋仲有好多特色前菜，四川麻辣涼拌菜，各款自選沙拉等等！/熟食篇小編終於食到一間餐廳嘅熟食類係有翻咁上下水準，伊雲士牛仔肉，和牛肩胛柳，愛爾蘭燴羊肉🐑，四川水煮牛肉🐂，即煮湯粉麵，香煎鵝肝多士🦢，海南雞飯🐔等等。大家一定要試下佢哋和牛肩胛柳，真係離晒譜好好味，真係肉嫩多汁。另外佢哋嘅海南雞飯都幾出色下，唔
/
海鮮篇
小編真係好開心佢哋有提供即開美國生蠔，青口，海蝦🦐，松葉腳蟹🦀，炙燒波士頓龍蝦🦞等等。值得一提係佢哋嘅生蠔，如果講size唔會話好大隻，屬於比較爽口類型而且食落好清爽。波士頓龍蝦主要有兩種dressing俾大家揀，分別係鵝肝蛋黃醬&柚子蛋醬，小編就鍾意後者啦小清新。其他海鮮都above average，唯一小小抱怨就係fiil蟹腳速度，快小小大家都可以食到鮮甜蟹腳啦。
/
前菜篇
日本特色冷麵配上木魚絲和紫菜，加埋小小冷麵汁，如果唔係自助餐小編肯定啪10碗！另外佢哋仲有好多特色前菜，四川麻辣涼拌菜，各款自選沙拉等等！
/
熟食篇
小編終於食到一間餐廳嘅熟食類係有翻咁上下水準，伊雲士牛仔肉，和牛肩胛柳，愛爾蘭燴羊肉🐑，四川水煮牛肉🐂，即煮湯粉麵，香煎鵝肝多士🦢，海南雞飯🐔等等。大家一定要試下佢哋和牛肩胛柳，真係離晒譜好好味，真係肉嫩多汁。另外佢哋嘅海南雞飯都幾出色下，唔係亂咁講經。當然唔少得壽司🍣同刺身系列，真係寫唔晒！
/
甜品篇
佢地嘅甜品種類真係多到嚇鬼死人！而且賣相吸引到即使我飽到嘔，都啪左好多件差啲爆肚入院！雖然佢哋唔claim佢地係芒果主題，但小編真係覺得大部分都係芒果口味，例如芒果糯米飯🥭，芒果薄荷青檸蛋糕🍋，焗芒果水蜜桃布甸🍑，香檳燕窩芒果果凍！最特別佢哋有曲奇糯米糍！最有七款口味嘅movenpick！
張貼
