Cafe Terrace (已結業)

撐枱腳搵地方, 朋友有好介紹, 發現呢間餐廳 afternoon / high tea, CP 值超高, 以前真係食過酒店4/5 百都不及呢間, 300 幾真係超抵。首先食環境真係無得輸, 室內紅磚裝修, 室外天台有花花牆搖搖椅, 可見老闆花錢花心機佈置, 值得一讚。食物方面, 餐廳都好有心機, 會上枱後放乾冰, 令食物好有視覺效果。甜點咸點好 balanced, 我個人好易最後食唔晒啲甜點, 呢度份量啱啱好。 炸物熱辣辣脆卜卜，海鮮類新鮮唔腥，當中最鐘意係鱘魚黑魚子煙三文魚他他。另外侍應解釋，佢地會聽食客 feedback，食物會作微調，所以佢係上咗 macaroon 而唔係按餐單的 donut, of course i am happy with this change. 馬卡龍脆, 亦唔太甜, Chocolate Brownie 外脆內軟, scone 配上無花果醬非常夾。最後 drinks 叫了 Mocha and Peach Tea~