潮福蒸氣石鍋 (已結業)

放工相約舊朋友去打邊爐，就他們就去了附近嘅潮福，因為一個價錢任飲任吃，3樣必送嘅東西，有海鮮盤定食、極尚安格斯牛肉、脆皮乳鴿半隻，個湯一揀了，3寶就跟住上來了，脆皮乳鴿肉質嫩滑香脆，熱盪盪夠晒新鮮！而個海鮮盤定食就更加抵吃，有龍躉斑片、生鮑魚、生猛中蝦、桶蠔、大元貝、肉蟹半隻，以上每樣一件，呢個價錢自己去買都可能啦！呢啲材料本身可能係食蒸氣石鍋，但反過來打邊爐真係超級正！而其他配料則可以無限任添，咁鮮滑牛、丸丸、炸魚皮、午餐肉、雲吞，樣都要啲，滑牛超軟熟嫩滑，丸丸點了手打丸，丸丸夠晒彈牙爽口，墨丸、牛丸、蝦丸係本人推介，如果只係吃手打丸，分分鐘可以吃到回本！而估唔到佢重有我最喜愛嘅皮蛋吃！完全流心，外面彈牙裡面流心，放湯又得，就咁吃都得！溫馨提示，快樂時光只有兩小時，當然兩小時嘅頭一個鐘你可能已經吃到食唔落，因為都有好多選擇，邊食邊同朋友吹水絕對係一個價錢相宜但質素高嘅選擇！