野川拉麵の深燒食堂

營業中

休息中

脆脆沙嗲牛肉包 配沙律沙嗲牛肉好味，唔會死鹹，好過好多茶餐廳，有d 兒時嘅味道。脆脆包 真係焗到香脆，口感好好。沙律 除左有罐頭生果，仲有好味嘅新鮮蘋果、薯仔、紅腰豆、紅蘿白，欣賞😊鮮帶子刺身、三文魚刺身刺身肉質新鮮，三文魚好厚切，刺身溫度又夠凍。濃芝士薯餅、芝士炸彈外脆內軟，睇落唔會油淋淋，入口唔會油膩，兩款芝士喺味道唔同，各有各滋味。薯餅夾芝士，絕配。芝士炸彈 口感非常軟熟。忌廉焦糖咖啡（加配）大大杯，又好多焦糖塊，大大塊，好滿足。留返一塊焦糖 浸溶落咖啡裹面。正😍真正嘅凍焦糖咖啡。下午茶嘅食物選擇，一啲都唔 hea🙃，都令人眼花繚亂😆夜晚會有串燒 同埋更多日本食物，下次要朋友一齊嚟，可以食下多d唔同款式。