慶記 (已結業)

同朋友行街行到攰 想坐低食少少野 經過大角咀見到呢間主打食上海野 就入去坐低入到去發現嘢食價錢經濟 我哋叫咗生煎胡椒包-好濃嘅胡椒味 食完個胃會曖粒粒 而且個包煎得好香 熱辣辣食仲有少少湯汁 真係一流小籠包-每次食小籠包都覺得係撞手神 好多個皮好厚或者冇湯汁 估唔到呢間價錢經濟嘅餐廳 竟然食到皮薄餡靚嘅小籠包 個湯汁仲要勁多 可以飲足幾啖 香酥排骨拼滷肉菜飯-份量勁多 我諗嗰度起碼有三碗飯 排骨炸得好香 但係入面仲keep住好Juicy 茶熏煎軟雞拼滷肉慶麵-個麵煮得啱啱好 唔會過淋過硬 雞有好香嘅茶味 亦都啱啱好入邊好嫩滑 食完之後好滿足 我同朋友都決定聽日會再嚟食