影片
更多
2009-10-24
14 瀏覽
一直都想試下california pizza kitchen的pizza, 之前上網睇定menu, pizza分左好多種, 口味又不只係配唔同料咁簡單,已經好興奮,還搵定布何必食推介, 諗住去到唔使揀咁耐, 點知都一樣, 都要用上十五分鐘個字睇menu。本身訂左8:30, 但趕不及, 8:45才去到, 已不用等位。 特式焗春卷 $58(選兩款味): 亦可選擇 三款味$78。地中海風味: 餡料有茄子、蘑菇、茄乾、洋葱、水牛芝士、巴馬芝士; 墨西哥風味: 餡料有粟米、紅腰果、車打芝士、辣椒, 個醬有辣椒粒,愈食愈辣, 感覺很過癮。 大家會唔會覺得奇怪明明我地叫兩種味, 但又可以試哂三隻味呢? 其實係咁, 落單時要地中海和墨西哥味, 點知來錯左泰式, 切開一件試左少少, 食到有芽菜?問返經理話係泰式, 仲話拎返3件墨西哥味俾我地,唔使交換返,不過我地最後都無食到泰式隻味, 一來有點不好意思,二來興趣不大。 拿坡里式的薄批-miland pizza $112: 配料有好多,鋪滿哂個pizza,有甜腸、意大利腸、芝士、蘑菇、洋葱,應該都有九吋, 批邊好香脆, 咬落卜卜聲,中心就唔脆, 但麥味好香
特式焗春卷 $58(選兩款味): 亦可選擇 三款味$78。地中海風味: 餡料有茄子、蘑菇、茄乾、洋葱、水牛芝士、巴馬芝士; 墨西哥風味: 餡料有粟米、紅腰果、車打芝士、辣椒, 個醬有辣椒粒,愈食愈辣, 感覺很過癮。 大家會唔會覺得奇怪明明我地叫兩種味, 但又可以試哂三隻味呢? 其實係咁, 落單時要地中海和墨西哥味, 點知來錯左泰式, 切開一件試左少少, 食到有芽菜?問返經理話係泰式, 仲話拎返3件墨西哥味俾我地,唔使交換返,不過我地最後都無食到泰式隻味, 一來有點不好意思,二來興趣不大。
拿坡里式的薄批-miland pizza $112: 配料有好多,鋪滿哂個pizza,有甜腸、意大利腸、芝士、蘑菇、洋葱,應該都有九吋, 批邊好香脆, 咬落卜卜聲,中心就唔脆, 但麥味好香, 而且帶點煙韌。
蒜香忌廉汁闊麵配鮮蝦$98: 有七隻蝦,幾爽身,闊麵好正, 好creamy, 但記住一定要趁熱食,凍左風味稍遜。
即使明知會吃不完, 仍都要叫那麼多, 結果要包走四塊pizza, 第二日用焗爐翻熱, 都一樣咁好味, 連個底都脆口。點飽都唔可以無甜品,係香蕉朱古力蛋糕和chocolate brownie sundae 挑選~最後揀左後者
chocolate brownie sundae $52: 面頭的cream唔似甜忌廉, 較滑又無咁膩,球雪糕好巨型,不易變溶,最下面的brownie還是暖暖的, 一凍一熱交錯食, 真是一大享受。質感好sticky, 好moist, 朱古力味極濃,啖啖都吃到香脆的果仁, 雖然食到一半會感到有點膩, 但仍然忍唔住要把它清哂。
這餐花了$352, 雖然不便宜, 但真十分好滿足, 我和媽咪都一致裁定要再來, 還想好要些什麼呢!
張貼
