CR² By Cupping Room (雅蘭中心) (已結業)

復活節假期難得與老朋友見面總是談話不停，累了決定來到咖啡店CR2 by cupping room稍作休息。-首次惠顧，咖啡店位於雅蘭中心，易找，外觀設計摩登時尚中帶幽默，白色配亮銀色，重點係有謝曬皮畫家壁畫，與咖啡店本身單調色系截然不同，嚴肅卻富有趣味性。-咖啡店開放式設計，設有少量座位，入座率0%，客人主要以外賣為主。當時只有一個職員負責，態度友善。咖啡店飲品定價合理，另有賣蛋糕，冇食。-抹茶椰子咖啡 $50 （凍）屬於咖啡店同少有嘅選擇同配搭。抹茶椰子咖啡有兩個明顯顏色的分層，底部係綠色，上面係咖啡色。飲用咖啡前店員細心提醒請攪拌均勻先飲，攪拌後變成淺鴨綠色。抹茶同咖啡兩者互相平衡，椰子味比想像中濃，味道最突出，咖啡味相對較淡，唔酸，甜苦之間拿捏得幾好，三者組合好夾，甜度適中。如果係為飲咖啡而揀咗呢個應該會失望，但整體而言都幾好。-凍焙茶拿鐵 $50友人話好飲。-雖然咖啡店位於旺區商場，用餐位置唔算多人流，美中不足係全數座位為吧枱櫈，坐得唔舒服。性價比正常，希望下次試其他。