Alvy's (已結業)

西環呢間Alvy's 一早save低想去食，見佢個vibe幾正，又有唔同既tap draft beer🍻同埋見佢都幾多有本土特色既小食同主打用sour dough整既pizza🍕😍入到去，見到牆身寫住有freeflow drink優惠，幾得意，2個鐘任飲都係先＄300😯啤酒、梳打、House Wine、罐裝Higherthan、Highball、梳打、檸檬水同果汁都得😦同男朋友點左個2人set，包2個小食、1個salad、2杯啤酒同埋1個pizza／pasta😍每位先＄238，仲係係星期五黎😍 薑蓉猶太薯餅：幾得意，佢用左平時燒味用既薑蓉放係薯餅上面，薯餅薄身香脆，中間食到一絲絲，加分👍余均益炸雞翼：平時食得buffalo wings多，但今次係用返local常用既余均益，食落幾惹味，但都幾辣下，唔食得辣既朋友就唔建議點，不過點埋個Blue Cheese 醬真係一流！腐乳汁凱撒沙律：平時我唔太好食腐乳，不過佢又唔會係勁濃但又幾夾到，沙律菜都幾新鮮，同埋入面似有d叉燒粒，幾有咬口！煙肉芝士漢堡Pizza：估唔到個pizza咁有誠意係用sour dough整，食落好鬆軟，上面好足chedd