Aldou Cafe (已易手) 新餐廳

係元朗行街,想搵間cafe坐坐,見呢間cafe格調簡約,以獨特既灰色為外牆主色調,感覺好特別,於是入去休息下食個lunch set。跟餐有南瓜忌廉湯配熱烘烘法包再擦牛油,好香好軟熟。南瓜味好重,味道鮮甜。忌廉香濃突出，散發出陣陣奶香。南瓜完全溶晒,好滑 好香,面頭有小小忌廉,溝埋都唔會唔膩。煙豬肉青豆忌廉耳形粉忌廉味好重,超creamy,好滑，分量幾多,軟硬口感剛剛好,有小小咬口。配料方面,好多青豆,磨菇,菇既味道好夾忌廉,提升耳形粉既層次,調味好好。醃製既煙豬肉唔會太咸,全部材料好夾,菜色完整性高,而且好有創意。食完好飽肚。再者餐飲百香果果茶,果香飄逸,凍凍地,透心涼。最底有果肉蓉,飲落去好舒服。加上cafe環境舒適,環境好好。