Kactus Koffee

營業中

休息中

舖頭係落地玻璃，利用天然光照入嚟，光猛得嚟好舒服，位同位之間隔好遠，所以位好少，加上冇限時，等位一定有排等，早啲到食早午餐，或者趁6,7點去，會少啲人。*Green tea latte $40好濃抹茶味，又有奶香味，熱辣辣沖出嚟，可惜冇拉花，不過好飲勝於一切。Kactus Koffee $40奶蓋+拿鐵，奶蓋有少少鹹香，好滑好濃，下面係拿鐵，7成奶香3成咖啡香，斜斜地飲到半奶蓋半咖啡，奶香味up up upVienna Koffee $40同樣係奶蓋，不過下面係美式咖啡，咖啡豆果香偏酸，連奶蓋飲，比Kactus Koffee多一層咖啡果香味，少一層牛奶味。Blueberry cream cheese croffle $60牛角包窩夫，不失牛角包嘅牛油香，有千層酥皮感覺，可惜忌廉芝士得面頭一粒仔，一啖就冇晒，紅莓藍莓乾酸酸地，連牛角包食，唔會膩之餘，仲越食越上癮，係貴咗少少。Vanilla ice cream croffle $60煉奶+雲呢拿雪糕，甜到膩嘅組合，但又好好食，一凍一熱，一個軟滑一個千層酥嘅脆，好正，不敗組合。