金記冰室 (已結業)

最近金記和老夫子搞咗個cross-over，有經典的乾炒牛河同埋厚切焗豬扒飯食，今日中午經過金記就一於試下。飲品要咗一杯凍忌廉朱古力和一杯熱奶茶。忌廉朱古力比較甜，奶茶夠香滑。乾炒牛河賣相OK，仲插咗一支老夫子個小旗仔。碟粉啲色水都夠均勻，但是，味道無想像中好味，味道偏淡，而且唔夠鑊氣。至於焗豬扒飯就插咗支大蕃薯的小旗仔，賣相亦唔錯，唔食得都睇得。食落番茄味好濃，芝士幾 “漏”，食咗一半已經食唔落，好在豬扒幾腍，食得晒。