尚廚

營業中

休息中

今晚食完紫粵軒，由於有朋友加入，大家又有些少口痕，加上見到酒店房入面有外賣自取嘅宣傳單張，而我哋房間嘅DinningCredit仲有剩，於是我哋決定叫外賣宵夜。尚廚嘅外賣自取相當抵，酒店住客八折之後一個凱撒沙律加飲品都係50幾蚊，觀塘嗰間沙律店都唔得啦，雖然外賣，話晒都係酒店餐廳啦。 海南雞飯成為78.4，雞同飯都係正常嘅，但佢就用咗一個非常之唔配襯嘅眉豆蓮藕湯。我總係覺得如果海南雞飯唔係配菜乾雞珍湯就唔係一個完整嘅海南雞飯。凱撒沙律都好爽脆，不過我唔係好鍾意佢啲麵包粒，用麥包之餘又唔夠鬆脆。呢個$70既公司三文治都相當唔錯，薯條炸得幾好，三文治入邊有蕃茄煙肉生菜蛋同雞肉，並無欺場。作為酒店入面嘅Allday Dinning餐廳，算係唔錯。