ACOCake (已結業)

Cupcake配荔枝味雪糕（$43）觀塘工廈愈尼愈多好野食，司令今次試尼間cupcake小店...既雪糕😂。價錢唔算貴，服務好好。師傅拎出尼仲會同大家介紹上面既toppings，仲會話雪糕雪得凍啲，方便大家影相。入到去，舖面好細，擺設好有style。不過人流少，都有位比大家坐低影下相，坐一陣。雪糕杯有三隻味，荔枝、熱情果、薄荷朱古力，司令揀左荔枝，底下既cupcake係甘筍味，上面配原味蝴蝶酥，焦糖nuts，沖繩海鹽焦糖醬。起初心諗GG啦甘筍味🤔，點知食落好好味喎，有少少似果仁蛋糕，而荔枝味雪糕好香，帶少少奶味，全個雪糕杯細細杯，最岩食飽尼食。