One More Hotpot 來一鍋 (已結業)

周末係銅鑼灣行完街睇完戲有d 肚餓，就係鵝頸橋附近搵左間樓上既火鍋店醫下肚。坐低發現原來係火鍋放題，除左普通火鍋配料，仲有唔少海鮮可以揀，啤酒汽水仲要係任飲，一於食盡佢！基本既醬料都應有盡有。韓國進口啤酒，淡淡地，打邊爐飲多d 都唔怕湯底揀左花膠螺頭雞湯，好足料呀！煲得耐d 螺頭更加冧同入味，裡面仲有豬骨同雞，愈煲得耐就愈正呀！海鮮拼盤！有青口，貴妃蚌，扇貝，鮑魚，鯇魚片，大蝦，仲送多塊紫淮山。手切安格斯牛頸脊肥牛，好有牛味，又新鮮，正呀！打邊爐當然唔可以唔食餃同丸，選擇都幾多！超巨型響鈴同炸魚皮，味道唔錯，但細舊d 會容易食d