影片
更多
2018-04-04
69 瀏覽
是日去咗銅鑼灣行街，朋友好少渣主意諗食乜，銅記咁多好野食，千想萬想都未必諗到去打邊爐，點知佢話呢間正啊，咁就一於奉陪撐下老友。事原佢最近好似發咗達咁，所以今晚可以隨便叫，所以二話不說拎起餐單起勢剔野食。點餐紙一面睇哂，加上寫明烹煮時間，個人覺得都幾Friendly。首先湯底我地揀咗「紅油藥膳鍋(鴛鴦湯底)」，食辣又得、唔食辣都得，我唔食得辣嘛。等火鍋料同湯底其間，先去研究下醬料，每個人都分配咗一樽仔味碟，你可以為自己泡裝一碟雲南紅油醬，但我唔攪咁多野喇，照舊豉油炸蒜就算喇。題外話：茶介同醬料每位都會收番HKD25。其實配料都幾快上，可以話係靴靴聲咁不停上，放到成枱都擺唔哂。 本身個人都覺得火鍋料價錢稍為小貴，但見到實物擺碟同切功咁巧妙就立刻認同，值得嘅。眾多嘅食物當中，我認為有一碟係必須特別Highlight下，就係「極品手切肥牛腋(大盤)」，雖然HKD288，但水準就係超出預期，簡直係抵到爆。入口即溶，非常有牛肉味，諗起都口水流(太過份)。對於食肉獸嘅朋友泥講，4個人至少都要叫兩盆先夠喉。當然啦，食紅油鍋點少得腐竹、冬瓜、菜等等，整晚嘅火鍋料都比人感覺非常新鮮，絕對唔會比啲好似放咗
事原佢最近好似發咗達咁，所以今晚可以隨便叫，所以二話不說拎起餐單起勢剔野食。點餐紙一面睇哂，加上寫明烹煮時間，個人覺得都幾Friendly。首先湯底我地揀咗「紅油藥膳鍋(鴛鴦湯底)」，食辣又得、唔食辣都得，我唔食得辣嘛。
等火鍋料同湯底其間，先去研究下醬料，每個人都分配咗一樽仔味碟，你可以為自己泡裝一碟雲南紅油醬，但我唔攪咁多野喇，照舊豉油炸蒜就算喇。題外話：茶介同醬料每位都會收番HKD25。
其實配料都幾快上，可以話係靴靴聲咁不停上，放到成枱都擺唔哂。 本身個人都覺得火鍋料價錢稍為小貴，但見到實物擺碟同切功咁巧妙就立刻認同，值得嘅。
極品手切肥牛腋(大盤)
$288
6 瀏覽
0 讚好
0 留言
當然啦，食紅油鍋點少得腐竹、冬瓜、菜等等，整晚嘅火鍋料都比人感覺非常新鮮，絕對唔會比啲好似放咗好耐，明顯擺到乾嘅料你。更加唔少得，唔好歧視我最鍾意叫嘅午餐肉，真係好有心機咁擺碟。
另外，墨魚滑份量都幾足，食落爽口合格。你睇下個薯片真係切到好薄，咁樣唔係想玩你或者我，平時個啲都可能太厚，可能要淖得耐啲，而家呢片一至兩分鐘都食得，好貼心。而田雞呢，試過之後嘅溫馨提示係，記住拎個鐵撈兜住咁淖，咁就唔怕熟咗搵唔番舊肉。
豬肉都算薄身易嚼，可以跟足佢個指引煮熟先食。但個人覺得都係比唔上牛肉好食，除非你戒牛啦，如果唔係都係大力推薦牛。
總結，烏冬乜乜乜真係唔洗叫得多，我真係燒壞腦先寫咗2，盡量可以慳番啲，專攻食「極品手切肥牛腋」，保守啲可以盡量叫咗普通一Round先，因為你會意想唔到地飽，唔夠先再叫囉。
張貼
