探花 (已結業)

入到探花這餐廳非常有格調，坐得舒適，坐在大窗邊既sofa位置，非常 chill,餐廳用既餐具都幾華麗， 就算筷子都用上陶瓷 ,感覺更elegant! 紫雲淮山， 用上淮山至於顏色方面就用咗火龍果，顏色粉粉紫紫，醬汁用上芝麻醬，感覺更清香" 淮山嘅清爽，好正！話梅車厘茄， 去皮嘅蕃茄吸曬華梅嘅酸香，別有一番風味！ 既開胃又醒神。紅蝦多士用了原隻紅蝦做 topping, 下邊嘅多士非常香脆， 蝦肉爽口彈牙！旁邊嘅醬汁，有陣陣肉蝦頭做出嚟嘅香味同埋蕃茄香！mix埋食好有層次感。探花xo醬小炒王有腰果，蝦乾，三色椒，青蔥，花生芽！ 花生芽有別於一般嘅芽菜，更加爽甜有質感 非常豐富既配合，勁有鑊氣！ 廚師有功價， 味道唔會過咸但又夠香濃。鳳梨櫻花蝦炒飯， 飯嘅顏色用咗紅菜頭去上色，令到色彩更加嚴厲！ 加上有大量嘅櫻花蝦相當有質感！ 炒飯非常乾身唔油膩，而且仲粒粒分明！正~餐廳員工都有禮，用餐過程好舒服！