影片
更多
2024-09-29
393 瀏覽
Milu Thai มิลู่ไทย (百樂中心)銅鑼灣耀華街3號百樂中心2樓小編假日黎到銅鑼灣搵食，無意中發現左隱於小巷嘅樓上泰式餐廳，但食物質素絕對係超班！由於午市剛開始，侍應今次安排到一個闊落嘅卡位比小編及同行友人，令個用餐體驗都加左分！餐牌上菜式選擇好多亦都好岩我地口味，而今次我地揀左嘅食物包括：1. 椰汁雞湯🥥（小）（HKD118)：一入口就感愛到濃郁嘅椰香同埋椰漿嘅絲滑，配搭上泰式香料熬製令湯品味道更豐富唔會過膩！雞肉都唔會因為煲耐左而過老2. 火焰燒雞🐔（HKD208): 絕對係打卡人士同食肉獸必點。哩道菜以整隻雞為主體，一上枱侍應會用瞬間點燃成隻雞，視覺效果🆙！隨後侍應會拎去切件，方便食用😋 今次嘅雞真正能夠做到外皮金黃酥脆同肉質鮮嫩嘅感覺。好值得點哩道菜！3. 飛天炒椰菜苗🥬🌶️🧄（HKD98): 食得多肉同時都要食返啲菜平衡返！椰菜苗新鮮而賣相翠綠，加上大蒜同辣椒去翻炒令菜式非常惹味！4. 泰式蛋包炒金邊粉（HKD118）：蛋漿煎成網狀包住炒得好有鑊氣嘅金邊粉，睇得出係誠意之作。炒金邊粉係每次小編食泰國嘢一定會叫嘅嘢，唔同嘅香料去令酸辣鹹交匯埋一齊，好開胃！5. 生菜肉碎包
銅鑼灣耀華街3號百樂中心2樓
小編假日黎到銅鑼灣搵食，無意中發現左隱於小巷嘅樓上泰式餐廳，但食物質素絕對係超班！由於午市剛開始，侍應今次安排到一個闊落嘅卡位比小編及同行友人，令個用餐體驗都加左分！餐牌上菜式選擇好多亦都好岩我地口味，而今次我地揀左嘅食物包括：
1. 椰汁雞湯🥥（小）（HKD118)：一入口就感愛到濃郁嘅椰香同埋椰漿嘅絲滑，配搭上泰式香料熬製令湯品味道更豐富唔會過膩！雞肉都唔會因為煲耐左而過老
2. 火焰燒雞🐔（HKD208): 絕對係打卡人士同食肉獸必點。哩道菜以整隻雞為主體，一上枱侍應會用瞬間點燃成隻雞，視覺效果🆙！隨後侍應會拎去切件，方便食用😋 今次嘅雞真正能夠做到外皮金黃酥脆同肉質鮮嫩嘅感覺。好值得點哩道菜！
3. 飛天炒椰菜苗🥬🌶️🧄（HKD98): 食得多肉同時都要食返啲菜平衡返！椰菜苗新鮮而賣相翠綠，加上大蒜同辣椒去翻炒令菜式非常惹味！
4. 泰式蛋包炒金邊粉（HKD118）：蛋漿煎成網狀包住炒得好有鑊氣嘅金邊粉，睇得出係誠意之作。炒金邊粉係每次小編食泰國嘢一定會叫嘅嘢，唔同嘅香料去令酸辣鹹交匯埋一齊，好開胃！
5. 生菜肉碎包🥬HKD108): 新鮮口感清脆嘅生菜配搭香口嘅肉碎，口感味道層次分明，亦都係食泰其二必點菜式！
飲埋個清甜嘅椰青🧉（HKD52）作為成餐嘅收尾，令小編同友人們都食到好滿足，約定下次再黎食其他野，尤其係想試下個火山排骨👀👀😋😋
13 瀏覽
0 讚好
0 留言
張貼
