影片
更多
2010-07-01
3 瀏覽
見門面幾靚 D野食幾吸引 諗住同個friend試下無妨於是走入去坐 佢就截停我話要登記等位咁好啦無問題 大家應該先到先得既我填好張表格 諗住等啦 等左陣 發覺佢表格上有D名刪左 我就問佢究竟有邊幾個係等緊既佢就話我前面淨係有人等緊4人檯問題就黎喇 個度有張2人檯空出黎 2人檯隔離個張先岩岩開始 野食都未嗌點解唔俾2人檯我同個friend 而要去登記等位呢?於是我就好白痴咁登記完又即刻坐返頭先我過去坐既位度唔緊要啦 都總算有個位坐 嗌野食 等左好耐個場又勁多烏蠅 勁驚佢飛入我杯飲品度跟住終於有得食 太肚餓關係 食左一啖先之後我發覺點解同我嗌既磨菇汁飯咁唔同?原來佢俾錯左個南瓜雞肉紅米飯我!!唉不過自己又衰 食左一啖 咁我就問佢係咪俾錯左我 佢話係呀唔好意思跟住我就話 咁你記得俾返呢款飯俾應該食南瓜雞肉紅米飯既客佢就同我講原來係同我隔離個張檯既人掉轉左 跟住話 但係個個客都話無問題喎哇 咁即係話 其實佢一早知掉亂左2個 不過將錯就錯 既然客A無問題 咁客B就食客A個餐就算啦?佢應該整過第2個飯 而唔係掉亂左個飯 第1個客話OK 就要第2個客哽埋佢囉.個飯勁難食. 真係食唔落...好乾, d
於是走入去坐 佢就截停我話要登記等位
咁好啦無問題 大家應該先到先得既
我填好張表格 諗住等啦
等左陣 發覺佢表格上有D名刪左 我就問佢究竟有邊幾個係等緊既
佢就話我前面淨係有人等緊4人檯
問題就黎喇 個度有張2人檯空出黎 2人檯隔離個張先岩岩開始 野食都未嗌
點解唔俾2人檯我同個friend 而要去登記等位呢?
於是我就好白痴咁登記完又即刻坐返頭先我過去坐既位度
唔緊要啦 都總算有個位坐 嗌野食 等左好耐
個場又勁多烏蠅 勁驚佢飛入我杯飲品度
跟住終於有得食 太肚餓關係 食左一啖先
之後我發覺點解同我嗌既磨菇汁飯咁唔同?
原來佢俾錯左個南瓜雞肉紅米飯我!!
唉不過自己又衰 食左一啖 咁我就問佢係咪俾錯左我 佢話係呀唔好意思
跟住我就話 咁你記得俾返呢款飯俾應該食南瓜雞肉紅米飯既客
佢就同我講原來係同我隔離個張檯既人掉轉左 跟住話 但係個個客都話無問題喎
哇 咁即係話 其實佢一早知掉亂左2個
不過將錯就錯 既然客A無問題 咁客B就食客A個餐就算啦?
佢應該整過第2個飯 而唔係掉亂左個飯
第1個客話OK 就要第2個客哽埋佢囉.
個飯勁難食. 真係食唔落...好乾, d雞肉都乾爭爭
三四十蚊 唔係話好貴 但你都唔係俾D咁既質素我呀
張貼