鍾記車仔麵 (已結業)

上星期同阿媽去鍾記食車仔麵，排隊嗰個位個阿姐好惡咁款，雖然明知呢檔野比較平民化，d人粗野小小都難免，於是我地拿拿臨揀d粉麵之類，個女人淥淥下麵，有個後生d既skinhead男員工突然加入，望住我地，雖然我都諗住應該係要叫餸，但係佢一粒聲都唔出，兇神惡殺咁望住我地，又唔問我地食乜餸，令人好驚，好似慢一秒都會畀佢鬧咁，佢好似當d客會知道佢心入面諗乜，講句野都唔使死啩。佢d態度奇差，好似我地喺度乞食咁，後尾本來想叫多個油菜，但佢根本冇畀機會我地講野，我後尾變成同個收銀女仔(佢比較友善)講飲d乜，同埋加多個菜。因為要自己托住盤野，好重，所以我地坐喺好近個男員工附近既位，有時偶然同佢望到，佢都好惡咁望過黎，我唔知呢間野d人發生乜事，雖然佢喺美食坊入面收費較平，都冇理由服務質素要差成咁，佢地真係唔休冇客咁款。d野食好一般，我地都係因為太興爆晒先至走過黎鍾記度食，下次都咪搞我，我唔想再受氣。