海都酒家

營業中

休息中

一行五人平日來呢度食晚飯﹐食客只得小貓三四臺。而大部份亦都係從商既老闆同唔同國籍既客食。佢地個主餐牌裡面剩係有鮑參翅肚兼每樣都係時價既海鮮。所以我地就叫左個6人套餐﹐佢地個個套餐都要過千元﹐呢個就要二千二。其實食物質素都ok ﹐由其係佢地條蒸大石班同花雕蒸蟹。條班蒸得剛剛好﹐味道亦唔會太鹹﹐配埋d經油爆過既蔥令味道更加香。花雕蒸蟹亦好味﹐花調酒既香濃味剛剛好﹐唔會蓋過d蟹。兩隻肉蟹都好實肉﹐新鮮。唯一唔好就係佢地個上菜時間﹐每一個菜都起碼格30分鐘﹐其中有一個伙計係到爆粗咁鬧其中一個伙計﹐好似鬧佢點解d菜上得咁慢。原本應該一個鐘至個半鐘既一餐要食三個種先食完。食客又唔係多﹐都唔知點解要咁耐。總括來講﹐食物質素係掂﹐但絕對唔值呢個價錢。如果剩係比分比食物﹐會比笑笑口。但係因為價錢同上菜既時間﹐所以剩係比ok.