影片
更多
2009-11-04
22 瀏覽
睇雜誌見到呢間隱世cafe,見到個心太軟張相好得,攪到甜品味蕾呼召我上去食,食完兩次後得一個結論,佢地越做越好,無論係環境定服務質素,都俾上一次好。唔記得好似一個星期五,我同我舊書友仔諗住上去試吓,响樓下按鐘幾下,終於有人應,一開門,有個好好笑容嘅女仔話唔好意思,問我地幾多位,跟住帶咗我地上樓....上到去聽到叮噹先知個door bell 响入面,我地都唔好意思(因為按咗好多次)嘻嘻.... 一入門口聽到有人講粗口=.=旺角feel....無奈...個女仔示意我地坐台上面張sofa(因為個廳好多psp機友),坐底之後立即想走...太嘈 !唔係我想像中咁寧靜同可以吹水嘅地方..但係真係好想食個"心太軟",所以唯有"忍"...食呢到嘅心太軟,係聞住d香味泥等嫁(因為即叫即焗),入口甜味同溫度都啱啱好,不過唔係太流心,加埋杯梳打,ok啦~我地坐咗一個鐘度就走啦,臨走時我同佢d人講話太嘈雜,我諗我無下次,除非免費食心太軟啦....佢地答我會跟進,之後送咗cupon俾我地,又『唔好意恩』!本來諗住以後唔去嫁啦...上個星期突然我個妹話想去食飯,原來我個妹話佢d同學上咗去食cheese cake好
唔記得好似一個星期五,我同我舊書友仔諗住上去試吓,响樓下按鐘幾下,終於有人應,一開門,有個好好笑容嘅女仔話唔好意思,問我地幾多位,跟住帶咗我地上樓....
上到去聽到叮噹先知個door bell 响入面,我地都唔好意思(因為按咗好多次)嘻嘻....
一入門口聽到有人講粗口=.=旺角feel....無奈...
個女仔示意我地坐台上面張sofa(因為個廳好多psp機友),坐底之後立即想走...太嘈 !唔係我想像中咁寧靜同可以吹水嘅地方..但係真係好想食個"心太軟",所以唯有"忍"...
食呢到嘅心太軟,係聞住d香味泥等嫁(因為即叫即焗),入口甜味同溫度都啱啱好,不過唔係太流心,加埋杯梳打,ok啦~我地坐咗一個鐘度就走啦,臨走時我同佢d人講話太嘈雜,我諗我無下次,除非免費食心太軟啦....佢地答我會跟進,之後送咗cupon俾我地,又『唔好意恩』!
本來諗住以後唔去嫁啦...上個星期突然我個妹話想去食飯,原來我個妹話佢d同學上咗去食cheese cake好食,叫佢去試...咁唯有再去啦(不過係星期三)~確實佢d甜品真係幾吸引我....
今次我帶埋上次張cupon上去,原來係用泥free一杯野飲,我只係俾$食心太軟,而阿妹就食咗個肉醬意粉餐同藍莓芝士旦糕,佢話好味,但係今次我就享受呢度嘅音樂同花茶嘅絕配~
最終我發現原來班機友坐咗入vip房 !呢到d人果然意見接受,態度快手 !
相隔唔夠一個月,心太軟流心多咗,環境舒服咗,咁先值得我提筆一讚 !
下次再試埋佢個甜雞翼先 !
張貼