板上 (D2 Place) (已結業)

星期日放假，同男朋友黎D2 place行下週末市集～不過12點左右黎到，市集啲檔攤都未開曬⋯⋯於是我地上左樓上，諗住買杯野飲邊飲邊行街邊等市集開😎呢間『板上』之前都同男朋友黎過，環境都唔錯，地方大，座位又多，而且店員做野都幾快手👍🏼放係門口嘅飲品menu都有幾多款飲品，今次我地share一杯「紅豆抹茶奶茶」聽落怪怪地，紅豆配抹茶就係經典組合啦～至於抹茶同奶茶嘅關係就唔清楚喇😂😂我地都第一次飲抹茶mix奶茶，我覺得無左抹茶個陣苦澀味，不過整體來講味道都唔錯，唯一嘅缺點係，飲到最後剩低好多紅豆吸唔到上黎😫所以飲嘅時候，應該要不停攪拌！