繼 (已搬遷) 新店位置

今日去咗荔枝角呢邊食飯，黎到D2 Place呢一間鐵板燒食下午，佢嘅午餐套餐其實都非常抵食，我哋四個人share四個套餐，大家可以試吓唔同嘅嘢食 其實總括而言都做得唔錯，對得住呢一個價錢！比較推介嘅佢嘅帶子，帶子原隻非常新鮮，餐廳用嘅係日本帶子，肉質上非常鮮甜，亦都有彈牙嘅口感，朋友同埋我都非常推介！ 牛肉薄燒亦都做得相當出色！食得出牛肉本身高級嘅質素好高！牛肉薄燒既外皮煎得非常焦香， 牛肉內裏亦可以保持到粉嫩既色澤，入口軟嫩多汁， 包住炸蒜同埋香蔥，成個口感非常香口！總括嚟講用餐經驗都愉快，有機會會返嚟幫襯