Food Garden ETC (已結業)

今日同朋友黎到荔枝角D2 place行街，行行下見有啲肚餓，就黎到位於商場3樓既Food Garden食晚飯。我地叫左夏威夷pizza，香蒜蜆肉意粉，香酥翠瓜條、茄子條，仲有一個香蕉班戟配朱古力雪糕。野飲方面則叫左一杯熱薄荷朱古力。夏威夷pizza用料十分豐富，菠蘿好鮮甜，芝士同火腿份量十足，餅皮香脆得黎有咬口，非常不錯！香蒜蜆肉意粉亦都好吃，蜆肉份量十足，意粉亦都多到好似一座山咁，蜆肉既鮮味係食每一啖意粉既時候慢慢怖滿整個口腔。另外蜆肉亦都新鮮，肉質爽口。整體黎講我同朋友都好滿意。香酥翠瓜條、茄子條表面粉皮炸得香脆，再沾上醬汁，令人想一食再食！香蕉班戟配朱古力雪糕作為今餐既結尾十分完美。香蕉、班戟、雪糕，呢個組合永遠都唔會令人失望！