Food Garden ETC (已結業)

去左D2 PLACE行市集, 行完就夠鐘搵食, 之前經過見到呢間餐廳個門面招牌好COLOURFUL🌿🌺好吸睛, 令我印象深刻, 咁既然再次嚟到就無理由唔試下~餐廳空間感大, 寛敞開揚, 坐係入面好似置身於田園內用餐咁~ 點餐職員做野快手, 態度又有禮, 值得加分~水牛城鷄翼🐔叫左個REG SIZE, 有四隻. 鷄翼經炸過後再淋上汁醬, 炸得香口又JUICY, 雞肉嫩滑, 而且水牛城醬味道調得好好, 令雞翼味道酸酸辣辣, 十分刺激味蕾!鷄翼旁伴以甘筍條及西芹條, 蘸蛋黃醬食開胃之餘仲可以增加膳食纖維!炸魷魚圈🦑份量算多, 即叫即炸, 送到嚟係熱辣辣! 炸粉唔厚,炸到外表金黃色脆卜卜, 入口外脆內軟, 魷魚唔韌, 蘸蛋黃醬食真係無得輸~超正!夏威夷手工薄餅🍕餅底薄得嚟又有少少脆, 一啲都唔油膩~ 主要有蕃茄醬, 芝士, 菠蘿&火腿，入口茄味香濃菠蘿香甜美味, 實在唔錯, 出色!松露醬野菌忌廉汁意粉🍝食落好香黑松露味, 野菌份量唔少啖啖都食到, 每條意粉都掛汁, 口感好creamy, 加上蒜蓉令意粉更香口, 食完口腔仍然瀰漫黑松露&蒜蓉嘅香氣, 令人回味!😋😋蝶豆花檸檬 & 巨峰乳酸🍹兩杯飲