DALLOYAU

營業中

休息中

今日心思思想食個下午茶，不過唔想食太heavy嗰啲茶餐，橫掂好耐冇食西餅，不如去食返件餅。喺IFC衆多高級品牌餅店揀左DALLOYAU。買單件餅都有個紙袋仔外賣自取連盒都有，仲要係有透明膠紙嗰隻，真夠高檔喺芸芸口味當中揀左件Raspberry Chocolate Cheesecake。DALLOYAU啲餅都唔係第一次食，次次都滿意，當然價錢有返咁上下，質素先咁有保證。呢款Raspberry Chocolate Cheesecake蛋糕造型本身已經係一個小蛋糕，外面係有彈性得黎好滑溜既芝士慕絲，加入左粒粒Hazelnut朱古力蛋糕粒，可惜芝士味唔算濃，可能因爲用左忌廉芝士既關係。蛋糕上面有一粒新鮮覆盤子同朱古力醬連朱古力牌仔點綴，朱古力係用法國66%黑朱古力，個朱古力牌梗係印咗DALLOYAU個大名。蛋糕入面有覆盤子同朱古力夾心，應該加入左少少Baileys Wine，不過食落唔覺。靚就幾靚，味道都幾好，食落唔覺膩。不過對比呢個$68既價錢，我把尺會高啲，就只能俾OK。下次希望試到更令人驚艷嘅款式。