Ham & Sherry (已結業)

好開心！我哋兩個都去完biz trip返嚟！😳係我哋第二次可以喺返工日子一齊食飯：）靚仔特登揀喺我公司附近嘅餐廳，我第一次來食。今日餐廳冇乜人，坐得幾舒服夠安靜可以傾計。午餐基本上一素一葷小食再加一個主菜同甜品，飲品就再另加錢。一嚟到就已經有芝士、辣八爪魚同埋ham。小食我叫左copita iberico de bellota, ham好有油香味又唔膩，麵包烤得微溫外脆內軟。好鍾意食個芝士jamon碎焗薯，芝士味好濃好creamy~Main course係汁煮豬肋骨with white bean and paprika~ 炆得好琳好入味, 個人認為係全餐最好食嘅菜, 推薦👍🏻👍🏻今日嘅甜品係朱古力慕絲, 超濃超濃超級濃！我就好鍾意啦，靚仔就驚驚地肥😂總括而言，係真正嘅西班牙菜，分量足夠，食物質素高，價錢係區內較貴。