影片
更多
2023-01-20
566 瀏覽
Omakase の 精神何為? 優質食材? Fine dining 體驗? 我認為，Omakase の 精神，係匠人精神，係職人魂！二人同行，食 $880 17-course Lunch。餐具型格。師傅首先奉上佐餐有助清新口腔嘅涼拌薑片和蓮藕片。薑片味道清新，食得出新鮮幼嫩。蓮藕片爽口，口味清甜。第1味：松葉蟹肉牛油果茸墨魚汁薄脆。松葉蟹肉鮮甜，牛油果茸香滑，墨魚汁薄脆咸香，結合成一啖啖富玩味嘅 starter treat！第2味：火炙鰆魚（藍點馬鮫）拌檸檬啫喱。不得不佩服，師傅將擺盤做得好靚，食物頓成藝術品！ 鰆魚經過火炙，配上酸味味嘅柚子芥末調味，令人胃口大開。第3味：北海道帆立貝壽司。壽司外表精緻，壽司飯夾在刺身當中，完全被覆蓋住。帶子的貝柱（壽司最彈牙部分）則在壽司頂部，讓食客都注視到佢。非常鮮甜！第4味：北海道熟成劍魚腩壽司。經熟成嘅劍魚腩，魚味比未有熟成劍魚腩更突出，唔會只係食到滿口油脂味。想必劍魚腩本身質素好好，刺身質地先可以如此嫩滑。一邊食，師傅介紹壽司飯係用赤醋調味，為的是與刺身味道更加融和。第5味：剝皮魚肝醬壽司。富香蔥味肝醬與剝皮魚味道互相配合，造就一件鮮甜嘅壽司
二人同行，食 $880 17-course Lunch。
餐具型格。
師傅首先奉上佐餐有助清新口腔嘅涼拌薑片和蓮藕片。薑片味道清新，食得出新鮮幼嫩。蓮藕片爽口，口味清甜。
涼拌薑片和蓮藕片
30 瀏覽
0 讚好
0 留言
第1味：松葉蟹肉牛油果茸墨魚汁薄脆。松葉蟹肉鮮甜，牛油果茸香滑，墨魚汁薄脆咸香，結合成一啖啖富玩味嘅 starter treat！
松葉蟹肉牛油果茸墨魚汁薄脆
19 瀏覽
0 讚好
0 留言
松葉蟹肉牛油果茸墨魚汁薄脆
15 瀏覽
1 讚好
0 留言
第2味：火炙鰆魚（藍點馬鮫）拌檸檬啫喱。不得不佩服，師傅將擺盤做得好靚，食物頓成藝術品！ 鰆魚經過火炙，配上酸味味嘅柚子芥末調味，令人胃口大開。
火炙鰆魚（藍點馬鮫）壽司
16 瀏覽
0 讚好
0 留言
第3味：北海道帆立貝壽司。壽司外表精緻，壽司飯夾在刺身當中，完全被覆蓋住。帶子的貝柱（壽司最彈牙部分）則在壽司頂部，讓食客都注視到佢。非常鮮甜！
北海道帆立貝壽司
13 瀏覽
1 讚好
0 留言
第4味：北海道熟成劍魚腩壽司。經熟成嘅劍魚腩，魚味比未有熟成劍魚腩更突出，唔會只係食到滿口油脂味。想必劍魚腩本身質素好好，刺身質地先可以如此嫩滑。一邊食，師傅介紹壽司飯係用赤醋調味，為的是與刺身味道更加融和。
北海道熟成劍魚腩壽司
7 瀏覽
0 讚好
0 留言
第5味：剝皮魚肝醬壽司。富香蔥味肝醬與剝皮魚味道互相配合，造就一件鮮甜嘅壽司。
剝皮魚肝醬壽司
8 瀏覽
0 讚好
0 留言
剝皮魚肝醬壽司
3 瀏覽
0 讚好
0 留言
第6味：蝦他他。口感方面，黏口部分由蝦籽、蝦醬、蝦膏和日本山藥等組成；保留蝦肉塊使蝦他他軟滑中亦具彈牙口感。香甜花雕酒啫喱係師傅悄悄混入嘅異國元素，襯托啖啖鮮蝦，鮮甜可口！金箔嘅點綴更顯菜式優雅高貴。
蝦他他
7 瀏覽
1 讚好
0 留言
第7味：紫蘇葉白子天婦羅。懼怕白子濃厚味道同濃稠質感係普遍抗拒食白子嘅理由。但呢味紫蘇葉白子天婦羅，經過師傅輕輕炸香，配以紫蘇葉主調Pesto （青醬）和 cheddar cheese 碎，惹味吸引。菜式充份發揮師傅對食材運用嘅掌握同創造力，會一改你對白子呢樣食物嘅印象！
紫蘇葉白子天婦羅
13 瀏覽
0 讚好
0 留言
紫蘇葉白子天婦羅
12 瀏覽
0 讚好
0 留言
第8味：吞拿魚醬油漬壽司。壽司取材深海巨獸，再以專業手法熟成、醃製。味道敦厚，質感爽口。看著有關刺身魚體嘅資料，不禁令人感嘆可以安坐壽司吧吃下此壽司，係多麼幸福嘅事！
吞拿魚醬油漬
1 瀏覽
0 讚好
0 留言
第9味：秋刀魚壽司。不時不食，接近 12月中，俾我哋趕得切脂肪爽口品嘗本年度最後的肥美秋刀！ 第一次食到肉質咁爽口、味道咸香嘅秋刀魚，驚艷，好滋味！
秋刀魚壽司
11 瀏覽
0 讚好
0 留言
秋刀魚壽司
1 瀏覽
0 讚好
0 留言
第10 味：油甘魚昆布壽司。油甘味道香濃不在話下，加上用熱網炙過，更添風味。昆布尤其為壽司增添傳統日式風情，畫龍點睛。
油甘魚昆布壽司
3 瀏覽
0 讚好
0 留言
第11味：咸魚忌廉汁燴馬友。呢道菜 fused 得「歸國」不能佢係呢一餐少有嘅全熟魚肉，肉質札實，食得出條魚生前操得好 fit！魚肉富鮮甜味，配搭特製嘅咸魚忌廉汁同精煉蔥油，魚皮又煎煮得脆卜卜，整個配搭香濃滋味，口感豐富！ 食過馬友後，師傅會提供米飯俾客人襯汁食，享受盡咸魚精華，哈哈！服務員好貼心，發現我唔太夠忌廉汁襯飯，主動請師傅添加忌廉汁俾我。呢道菜，驚喜呀！
咸魚忌廉汁燴馬友
3 瀏覽
0 讚好
0 留言
咸魚忌廉汁燴馬友
1 瀏覽
0 讚好
0 留言
第 12 味：牛肩肉卷。香濃嫩滑牛肩肉以牛肝菌調製，滿足紅肉獸的慾望！
牛肩肉卷
4 瀏覽
0 讚好
0 留言
第 13 味：花竹蝦壽司。親眼見住師傅處理花竹蝦，為咗新鮮上菜要徒手喺蝦趁身出煙熱辣辣嘅時候剝蝦殼，真係好佩服師傅嘅匠人精神！花竹蝦好快就被師傅熟手地處理好，握好壽司，輕掃上一層醬油，就迅速上菜。花竹蝦份量十足，蝦身完整。大啖一咬，蝦獨有嘅鮮甜味充滿口腔，而口感爽口實淨，師傅冒熱剝蝦殼嘅功夫真係冇白費。 >< 作為問題少男少女，向師傅八卦花竹蝦佢究竟咩國藉。師傅分享原來餐廳選用咗本地花竹蝦入饌，會好味過用空運蝦隻做壽司！師傅仲 highlight 熟蝦同生蝦嘅鮮甜味係兩回事，完全認同嘅我哋表示「我全都要！」
花竹蝦壽司
1 瀏覽
0 讚好
0 留言
花竹蝦壽司
9 瀏覽
0 讚好
0 留言
第 14 味：北海道馬糞海膽軍艦。一口轟落去，海膽鮮甜無比，吃完一件還想要。
北海道馬糞海膽軍艦
1 瀏覽
0 讚好
0 留言
第 15 味：江戶前玉子燒。看似蛋糕，serve 到呢一味，仲以為今餐要食甜品劃上句號。師傅唔講唔知，原來呢件富彈性、軟棉棉又質地稠密嘅小方塊，係由大和芋、雞蛋、帶子同蜂蜜等製作成嘅。多數外間嘅江戶前玉子燒會用鮮蝦入饌，而 Decree by T 為咗照顧埋對蝦敏感嘅朋友，喺玉子燒中用帶子取代鮮蝦，使更多人可以享受 Decree by T 嘅江戶前玉子燒。 味道方面，玉子燒香甜得嚟又富有海鮮咸香，好易入口，如果無限量供應，相信會不知不覺食唔停口！
江戶前玉子燒
11 瀏覽
0 讚好
0 留言
食到呢度，有杯熱茶奉上，我哋準備進入呢餐最後階段！
第 16 味：干瓢卷。干瓢卷為日本平民美食，干瓢係以醬油、味醂及料理酒煮製過的胡蘆醃瓜，配合 wasabi，做成卷物。師傅指導一定要原條干瓢卷一啖食晒，否則無法體會干瓢卷為味覺帶來一甜一攻鼻嘅刺激！這日本傳統好物好不過癮，要試！
干瓢卷
8 瀏覽
0 讚好
0 留言
干瓢卷
1 瀏覽
0 讚好
0 留言
第 17 味：𩶘魚濃湯。小巧的一杯，滿載鮮魚精華！鮮甜得無話可說，暖笠笠，飲者有福。
𩶘魚濃湯
4 瀏覽
0 讚好
0 留言
甜品：自家製腐竹糖水雪糕拌蛋白脆餅。雪糕味道濃郁，神還原腐竹糖水味！師傅講明雪糕係用真正腐竹糖水製作，屬「無添加」系！蛋白脆餅同自家炸腐竹食得出好新鮮，值得讚！
自家製腐竹糖水雪糕拌蛋白脆餅
1 瀏覽
0 讚好
0 留言
Decree by T 餐點每一個細節、配搭，都食得出師傅嘅心思，呢種職人魂實在令人讚嘆同敬佩！食 Omakase，食嘅絕對係匠人精神！師傅分享，Decree by T 餐點不時換 menu，確保食客食到最新鮮當造食材同可以源源不絕去發掘新味覺大陸同驚喜！
張貼
