DUO Patisserie (已搬遷) 新店位置

適逢我生日，朋友想同我慶生！好可惜嘅係人大左真係食唔到咁多甜品，所以幾個人都只係想一件件個細細地嘅蛋糕。所以今次呢間蛋糕店就真係合晒我哋心意啦！我發覺其實好多呢啲嘅小舖其實都有好好嘅品質，所以你話呢今時今日啲鋪租係唔係殺晒香港人嘅技能啦！不過好好彩仲有一啲小小嘅空間比一啲有才華嘅香港人去發揮一下！今次叫咗五件cake，講真生果嗰兩件呢就冇乜特別啦，但另外果三件都非常之有特色，而且味道亦都非常出色！黑白雲石色嗰件呢係Bailey味道，坦白講唔係好識得出，但係淨係睇個樣都贏曬！二啡色雲石色嗰件就係溜心朱古力，最好嘅係佢唔甜啊！我諗啱晒一眾嘅中女🤣🤣但係我最歡喜嘅都係剩返嘅嗰件，係朱古力香蕉蛋糕，香蕉熟得來唔會太稔太爛，好香甜，而佢上邊嘅朱古力片，竟然係有少少煙韌架！口感好有趣！幾件cake加埋都唔係太貴，所以好適合突然間想食甜野又唔想咁甜嘅你！