LA Restaurant & Dessert Bar (已結業)

晚市唔係好貴，但唔成正比，見大家咁熱捧lunch,諗住夜晚都唔會太差，結果....嗌左兩個pizza, 一個係西班牙風乾火腿薄餅$98，另一個係夏威夷薄餅$88，結果佢哋個底係一樣，夏威夷薄餅只係多咗菠蘿，仲要平$10，早知我嗌兩個夏威夷薄餅，搬啲菠蘿過隔離，咁可以平$10之餘仲多菠蘿...炸雞$68，份量唔多...小食拼盤$128，唔值得，寧願散嗌，除非你幾樣都好想食，不過款式好普通，最好食可能係焗薯皮。主食嗌左兩個意粉，一個蕃茄牛大通粉，一個係香辣卡邦尼意粉，前者味道不過不失，後者就正正常常，都係果句唔值呢個價。不過平日晚上都坐滿，無趕人走，都坐左兩個鐘傾下計咁，環境普通。