影片
更多
2020-04-06
2596 瀏覽
貴為傳統扒房的Bostonian Seafood & Grill (下稱波仔）近年不斷俾人爬頭。一方面係自身嘅一成不變、不思進取，再者就係本身餐廳定位上嘅結構性局限（扒房的限制）。別於城中扒房，波仔晚市只做餐牌上嘅凍熱盤而唔做套餐，所以變左食黎食去都係嗰啲嘢，黎一次兩次就可能唔會再黎。如果想食佢哋嘅晚市套餐就可能要等到一啲特別嘅節日，例如係情人節、聖誕節、或者Restaurant Week 推廣等等。反而午市波仔就做得有聲有色，既提供午市套餐亦提供晚市餐牌，加上豐富嘅Appetizers buffet同埋跟餐嘅新鮮即叫即開生壕，總括黎講算係做得相當出色。餐牌方面，波仔晚市嘅新餐牌添加咗龍蝦沙律、白酒煮青口、鴨肝、A4生和牛片、大蝦天使麵、牛肋排等冷熱盤，確實令十年如一日嘅餐牌更多元化。然而，喺呢度餐牌有嘅嘢，幾乎喺出面一般嘅西餐廳都可以食得到。有睇過頭文字d嘅朋友都應該聽過：「八六始終係八六，佢已經到左極限。」當然，波仔都有佢嘅過人之處，工業風嘅裝修格局配以掛牆嘅名畫，營造出一種內斂嘅貴氣。加上柔和嘅音樂及舒適嘅用餐環境，依舊係吸引許多老粉絲會頭捧場嘅籌碼。總括而言，二零二零年，波仔雖
別於城中扒房，波仔晚市只做餐牌上嘅凍熱盤而唔做套餐，所以變左食黎食去都係嗰啲嘢，黎一次兩次就可能唔會再黎。如果想食佢哋嘅晚市套餐就可能要等到一啲特別嘅節日，例如係情人節、聖誕節、或者Restaurant Week 推廣等等。
反而午市波仔就做得有聲有色，既提供午市套餐亦提供晚市餐牌，加上豐富嘅Appetizers buffet同埋跟餐嘅新鮮即叫即開生壕，總括黎講算係做得相當出色。
餐牌方面，波仔晚市嘅新餐牌添加咗龍蝦沙律、白酒煮青口、鴨肝、A4生和牛片、大蝦天使麵、牛肋排等冷熱盤，確實令十年如一日嘅餐牌更多元化。然而，喺呢度餐牌有嘅嘢，幾乎喺出面一般嘅西餐廳都可以食得到。有睇過頭文字d嘅朋友都應該聽過：「八六始終係八六，佢已經到左極限。」
當然，波仔都有佢嘅過人之處，工業風嘅裝修格局配以掛牆嘅名畫，營造出一種內斂嘅貴氣。加上柔和嘅音樂及舒適嘅用餐環境，依舊係吸引許多老粉絲會頭捧場嘅籌碼。
總括而言，二零二零年，波仔雖然繼續入選為米芝蓮推薦餐廳名單，亦未去到同Outback, Ruby Tuesday 等連鎖快餐形式扒房相提並論嘅低點；但若要與同城名牌文華扒房、Beerbar一較高低的話，波仔就真係要再畀心機。
Lobster Salad
$288
53 瀏覽
0 讚好
0 留言
Duck Liver
$228
66 瀏覽
0 讚好
0 留言
English Lamb Rack
$348
63 瀏覽
0 讚好
0 留言
張貼
