Bigger Burger Cafe (已結業)

同朋友行完街，入去巷仔睇下有咩岩食晚飯，最後大家都比個漢堡吸引左入黎。🤣🤣枱面既枱仔磚好靚！好有特色！叫左杯 Blue Ocean pineapple 朋友叫左 Americano，我果杯應該係菠蘿梳打，佢用新鮮菠蘿打架！因為杯入面仲有幾塊新鮮菠蘿 👍🏻 好有誠意！野食等左好耐，好在佢既野都好食！值得等！唔係我會投訴 🤣🤣 個漢堡我地叫左 經典雙層牛肉漢堡配薯條！個牛肉好夠份量，牛味好夠亦好 Juice！但我地個口唔夠大 🤣🤣 除左切開左一半之外，仲要分上下兩層黎食 😋 薯條炸得十分好！唔油，薯味好夠 👍🏻👍🏻 勁香脆仲叫左個牛肝菌意大利飯，明白到正宗既好硬，但呢道係完全熟！係我杯茶 😋 成個飯覺得好正！菇味十足，大量既什菌，個醬汁唔會滯！但呢個一定要襯熱食！如果唔係就會凍成一 Pat野既感覺！同行朋友怕辣，最後選左 蜜糖雞翼，雞翼好入味，外層算脆口，個蜜糖係面令我覺得好似去左燒野食 🤣🤣