Nafafa Thai Cuisine & Lounge (已結業)

晚上嚟咗呢間喺銅鑼灣嘅樓上泰國菜樓館，餐廳裝潢都幾新穎，座位都幾舒服。泰北燒雞係半隻嘅份量，配左兩種泰式醬汁，泰北燒雞雞皮表面用咗啲香料醃製過，雞肉唔算好鞋口，加埋啲泰式醬汁幾惹味。蝦醬炒通菜，蝦醬味唔算太濃烈，通菜份量幾多。黑松露豬頸肉炒飯，飯底炒得幾乾身，黑松露味唔會好濃烈，豬頸肉肉質幾軟，再加啲魚露汁味道更好。最後叫左黃咖喱炒蝦，另加蒜蓉包，炒蝦破開左殼，會易拆啲，蝦肉正常，黃咖喱汁配脆卜卜嘅蒜蓉包一齊食正。