影片
更多
2011-05-27
22 瀏覽
果日黎到銅鑼灣, 可能因為近節日(農曆新年), 所以去到邊間都要等好耐位. RICE PAPER都唔例外, 係門口出面, 叫你等, 一等等左25分鐘左右 (以前好少要等咁耐).(我會得閒到影佢度門, 應該都真係等得好耐下.) 隻門有通花全白色, 好靚! 我真係好鐘意. 門下面有D綠色植物, 望落去, 好有外國FEEL.偷偷地行入去少少, 見到個白色既櫃, 唔敢行埋去影, 不過應該係放野食既? (其實另一面有D好有特色既枱, 好想影比大家睇, 不過岩岩有人坐左係度, 唔想影到人地, 所以無影到)再入去D, 有個酒櫃, 唔知D酒樽有冇酒? 不過, 好靚好整齊咁擺哂係個櫃度, 睇到都覺得正.果度有好正既SEAVIEW, 可惜果日唔係坐得近窗, 所以影依張相, 我已經盡哂力, 想比大家睇到個對面海既燈飾. 真係好靚, 岩岩對正D燈飾.叫左2杯野飲, 佢地最早黎, 一杯係我個朋友叫既, 唔知D味點, 不過應該同其他出面既差唔多?我飲果杯好似有薄荷, 幾清涼. (次次黎我都叫另一杯有朶紫花係入面既DRINK, 果杯甜多DD, 幾好味架, 不過, 我近黎唔知點解鐘意D薄荷味既野, 所以先叫左依杯)我
果日黎到銅鑼灣, 可能因為近節日(農曆新年), 所以去到邊間都要等好耐位. RICE PAPER都唔例外, 係門口出面, 叫你等, 一等等左25分鐘左右 (以前好少要等咁耐).
(我會得閒到影佢度門, 應該都真係等得好耐下.) 隻門有通花全白色, 好靚! 我真係好鐘意. 門下面有D綠色植物, 望落去, 好有外國FEEL.
偷偷地行入去少少, 見到個白色既櫃, 唔敢行埋去影, 不過應該係放野食既? (其實另一面有D好有特色既枱, 好想影比大家睇, 不過岩岩有人坐左係度, 唔想影到人地, 所以無影到)
再入去D, 有個酒櫃, 唔知D酒樽有冇酒? 不過, 好靚好整齊咁擺哂係個櫃度, 睇到都覺得正.
果度有好正既SEAVIEW, 可惜果日唔係坐得近窗, 所以影依張相, 我已經盡哂力, 想比大家睇到個對面海既燈飾. 真係好靚, 岩岩對正D燈飾.
叫左2杯野飲, 佢地最早黎, 一杯係我個朋友叫既, 唔知D味點, 不過應該同其他出面既差唔多?
我飲果杯好似有薄荷, 幾清涼. (次次黎我都叫另一杯有朶紫花係入面既DRINK, 果杯甜多DD, 幾好味架, 不過, 我近黎唔知點解鐘意D薄荷味既野, 所以先叫左依杯)我地叫左個牛肉餐, 有好多野食, 樣樣都係牛.
依碟就有4款牛既野食係度: 牛肉球 同其餘3樣牛肉條既食法. 有一樣有DD辣. 調味幾好味. 不過, 有D牛肉好難趙, 我要吐番出黎.
D MUSHROOM正呀! 好入味, 好滑, 好正! MUSHROOM下面仲有D菜, 果D菜要親住MUSHROOM同D汁一齊食先好味, 唔係就有D草味.
D生牛肉下面有D粉, 我地"綠"左牛肉先, D湯好好味呀, 我同我個朋友都飲完一碗又一碗. 而且, 天寒地凍, 坐左係度咁耐, 個身又凍番, 飲碗熱辣辣既濃湯, 好暖胃.
佢個餐仲包牛肉CONGEE, 棉棉地既CONGEE上面有D蝦乾, 口感好豐富, 又好味!
仲有個甜品都好正. 佢係雪糕上面加粒糖之類既野下面又加個布丁之類既野, D香味好特別TIM.好飽, 食依個餐2個人真係可以食得好飽..
張貼
