妹記大排檔 (已搬遷) 新店位置

又到星期五晚，非常非常熱，同班中學同學gathering，雖然妹記大排檔成日都要等位，但係呢一大班人就最啱去嗰度食，又有冷氣，價錢又唔係話好貴，以前食開嘅份量都唔係話好少，一定夠晒個個都飽。我哋有一行六個人，嗌咗七個餸。分別有煎蠔餅，黑椒薯仔牛柳粒，炸大腸，豬手，炒通菜，JJ雞煲，椒鹽鮮魷。最鍾意都係佢個炸豬手，招牌菜果然係招牌菜，果然名不虛傳啊。炸到啲肉唔會太乾爭爭，食落去又唔會有好肥好油嘅感覺，另外點下佢比嘅醬汁，同個豬手非常夾。另外啲餸其實都係普通大排檔都會有大嘅餸，味道都算正常不過不失啦。不過椒鹽鮮魷啲粉就比較厚，蓋過咗啲鮮味。如果下次再有gathering都可以再嚟，不過下次來呢就要試吓佢好出名嘅戰鬥碗飲酒。見到好多人都飲搞到我心思思都想試吓！