FRITES Belgium on Tap (濠豐大廈)

營業中

休息中

一直都覺得間餐廳嘅環境好靚，非常有情調。之前都係灣仔嗰邊試過佢哋嘅嘢都幾唔錯。不過今次呢間真係失望。尤其是佢哋青口，味道奇怪非常淡，忌廉湯除咗洋蔥同埋少少奶水味一啲都唔香濃。點左幾款啤酒朱古力啤酒都幾特別，酒精濃度唔高，配埋海鮮同埋肉類應該唔錯。一係佢哋招牌其中一款就係青口，但呢個青口......你都唔濃郁之餘，仲有啲生水味。我諗食應該都新鮮但係煮得好稀，忌廉湯非常淡味。不推介！！！生牛肉他他嘅味道幾唔錯，雖然價格比較貴而且份量唔多，但係算係呢餐入邊唔錯嘅選擇。對呢個三文魚藜麥沙律非常失望，之前喺灣仔食嘅三文魚非常大件但係呢一度直情少咗一大半，下邊嘅藜麥沙律唔錯，可惜上面嘅牛油果完全未熟，根本食唔到係硬既。。。豬手還可以，不過不失。不過外皮唔夠脆所以令到佢咬唔開，我哋淨係品嚐到入邊啲肉。