影片
更多
2011-11-08
163 瀏覽
晶荷軒 係 Disneyland hotel 入面既中菜酒樓 (11:00am開店), 而且要預早一個星期 book 枱, 餐廳最出名既係多款得意既迪士尼卡通造型既點心, (溫馨提示: 最好book 枱時預訂埋點心, 因為卡通造型點心需時, 準時入座既話, 就唔駛等咁耐就有熱辣辣既可愛點心食啦!! ) 卡通造型點心有 "四眼雞丁蓮蓉包", "三眼仔菜肉包", "三隻小豬叉燒包" 等等... 點心同小菜水準極高, 非常好味, 分量十足, 材料新鮮又熱辣辣!! 適合一家大細用膳, 小朋友見到咁得意既點心, 都會食多幾件!!氹女朋友又極顯心思, 相信對方一定會笑逐顏開!!如果硬要講既話, 餐廳唯一既缺點係d 卡通造型點心 "好難襯熱食"... 因為影得相0黎, 舞完一輪之後, 都凍左lu~ 米奇薄撐 - 一D 都無油膩感覺, 做得好乾身, 食多幾件都唔會漏 鮮蝦燒賣 - 一睇就知幾熱辣辣啦, 而且鮮蝦好大隻, 極之鮮味可口滑蛋蝦仁 - 炒蛋好滑, 而且保留蛋汁, 鮮蝦新鮮爽口又大隻, 好好味呀!!咕嚕肉 - 咕嚕肉做得好出色, 脆醬做得好薄身, 而且外脆內軟!! YUMMY YUMMY!!瑤
晶荷軒 係 Disneyland hotel 入面既中菜酒樓 (11:00am開店), 而且要預早一個星期 book 枱, 餐廳最出名既係多款得意既迪士尼卡通造型既點心,
(溫馨提示: 最好book 枱時預訂埋點心, 因為卡通造型點心需時,
準時入座既話, 就唔駛等咁耐就有熱辣辣既可愛點心食啦!! )
卡通造型點心有 "四眼雞丁蓮蓉包", "三眼仔菜肉包", "三隻小豬叉燒包" 等等...
點心同小菜水準極高, 非常好味, 分量十足, 材料新鮮又熱辣辣!!
適合一家大細用膳, 小朋友見到咁得意既點心, 都會食多幾件!!
氹女朋友又極顯心思, 相信對方一定會笑逐顏開!!
如果硬要講既話, 餐廳唯一既缺點係d 卡通造型點心 "好難襯熱食"...
因為影得相0黎, 舞完一輪之後, 都凍左lu~
米奇薄撐 - 一D 都無油膩感覺, 做得好乾身, 食多幾件都唔會漏
鮮蝦燒賣 - 一睇就知幾熱辣辣啦, 而且鮮蝦好大隻, 極之鮮味可口
滑蛋蝦仁 - 炒蛋好滑, 而且保留蛋汁, 鮮蝦新鮮爽口又大隻, 好好味呀!!
咕嚕肉 - 咕嚕肉做得好出色, 脆醬做得好薄身, 而且外脆內軟!! YUMMY YUMMY!!
瑤柱蛋白炒飯 - 一睇相就見炒得好乾身, 而且無油膩感覺, 淡淡炒飯都有瑤柱香味, 炒得出色!!
三眼仔菜肉包 - 由於呢排又HIT番 TOY STORY, 所以點都要會一會三眼仔既, 同佢玩完自拍一輪, 真係好唔捨得, 最終都要消滅由熱情轉左冷淡既佢.... haha
當然凍左會差d 啦, 不過咁可愛既造型, 真係好難唔同佢影多幾張啊!!
三隻小豬叉燒包 - 係三款卡通飽類最好味既一款, 一來影幾張好快就可以趁仲熱熱地就食左去, 而且入面d 叉燒好多, 同好juice, 好有甜蜜味!!
四眼雞丁蓮蓉包 - 外表極之可愛同吸引, 一睇就知好花心思去整一件, 所以同四眼雞丁影左好多唔出得街既親蜜KISS KISS照
雖然內裡只係普通既蓮蓉包, 不過入面D 蓮蓉好軟滑架~
米奇紅豆桂花糕 - 我最鐘意桂花香味, 所以好鐘意餐廳落咁多桂花去整呢個甜品!!紅豆+桂花簡直係天作之盒!! 食完之口, 口入面仲留有桂花香味, 實在太正啦!!
張貼
