影片
更多
2008-03-12
34 瀏覽
星期六入迪士尼玩, o係Disneyland hotel食lunch先, 多數都係會揀呢間中菜. 因為佢d野食真係幾好味架! 都黎過好多次,次次都係食lunch的,因為lunch先有點心, 點心做得好精緻!今次食左個兩位的午餐,$168/位,另外再散叫~其實set幾抵, 因為有頭盤,點心,湯,小菜,粉麵同甜品.先講頭盤, 燒鵝+ 叉燒, 屋企人話d,燒鵝冇呃人, 唔係燒鴨.點心揀左大路的蝦餃, 燒賣, 荔茸角(做成天鵝形狀,幾靚),個人認為荔茸角最好, 因為炸得剛剛好, 唔滲油.要左例湯, 椰子煲雞. 好清甜,好好味呀~跟住小菜係唔知咩炒蝦仁同埋金銀蛋浸豆苗．．兩個小菜都唔錯, 金銀蛋浸豆苗雖然係cheap野,但係好足料, 所以都幾鹹.然後揀左海皇炆鴛鴦米, 本身自己都係鍾意食鴛鴦米, 口感好又特別, 呢度的海鮮有帶子,魚,蝦仁, 煮得唔太油,幾好.除了套餐,仲叫左珍寶海鮮春卷,煎蘿蔔糕,蒜蓉紫蘇麵蒸斑片同埋一個蟹蓋.珍寶海鮮春卷好好味~係我每次黎必叫的, 好大條又脆, 入面有椰菜同蝦仁等海鮮,good!煎蘿蔔糕都幾好架, 一絲絲蘿蔔, 冇乜肥臘肉, 煎得剛剛好!蒜蓉紫蘇麵蒸斑片: 紫
因為lunch先有點心, 點心做得好精緻!
今次食左個兩位的午餐,$168/位,另外再散叫~
其實set幾抵, 因為有頭盤,點心,湯,小菜,粉麵同甜品.
先講頭盤, 燒鵝+ 叉燒, 屋企人話d,燒鵝冇呃人, 唔係燒鴨.
點心揀左大路的蝦餃, 燒賣, 荔茸角(做成天鵝形狀,幾靚),個人認為荔茸角最好, 因為炸得剛剛好, 唔滲油.
要左例湯, 椰子煲雞. 好清甜,好好味呀~
跟住小菜係唔知咩炒蝦仁同埋金銀蛋浸豆苗．．
兩個小菜都唔錯, 金銀蛋浸豆苗雖然係cheap野,但係好足料, 所以都幾鹹.
然後揀左海皇炆鴛鴦米, 本身自己都係鍾意食鴛鴦米, 口感好又特別, 呢度的海鮮有帶子,魚,蝦仁, 煮得唔太油,幾好.
除了套餐,仲叫左珍寶海鮮春卷,煎蘿蔔糕,蒜蓉紫蘇麵蒸斑片同埋一個蟹蓋.
珍寶海鮮春卷好好味~係我每次黎必叫的, 好大條又脆, 入面有椰菜同蝦仁等海鮮,good!
煎蘿蔔糕都幾好架, 一絲絲蘿蔔, 冇乜肥臘肉, 煎得剛剛好!
蒜蓉紫蘇麵蒸斑片: 紫蘇麵好靚,淡紫色放在中間, 旁邊約有8件斑片圍住. 麵係幼而軟身的, 本身無味,但加上大量蒜蓉一齊蒸就變得好夠味. 而斑片味道都唔差.
椰香蟹蓋: 蟹蓋賣相同樣好靚, 用一個金色蟹形狀的器皿裝住, 一上枱好香, 食落一絲絲蟹肉, 有d牛油香味, 叫黎一齊share食就唔錯, 如果一個人食晒都幾漏.
完美的一餐當然少不了甜品,
要左芒果布甸, 桂花紅豆糕& 陳皮燉雪梨.
芒果布甸好好味, 好多芒果肉, 而布甸中間有一層類似啫喱, 呢度d server話唔係用布甸粉開, 所以咁原汁原味.
桂花紅豆糕都唔錯, 桂花同紅豆係分開兩層的, 做成米奇頭, 唔太甜.
陳皮燉雪梨係另一推介, 聽講有d客人係專登黎食呢個甜品的, 好滋潤, 陳皮味道好香, 造型又靚, 原個梨拎去燉. 幾特別, 比起西餐用紅酒浸梨好味得多.
總括黎講, 呢度的水準確係唔錯, 我的至愛都係點心同甜品.
如有迪士尼年票仲有8折,好抵!
張貼
