花丸 (已結業)

上網見到尖咀有間新開餐廳有得自己燒小丸子，就搵個weekend同男朋友黎煮下“飯仔”😂前1日打電話去問訂佢，店員表示中午同夜晚都full左，最做要9點後先有，有啲失望，但今日都膽粗粗上左撞下彩，睇下walk in多唔多人啦！2點3到去到，入面有2枱客，店員表示3點落場，可能唔可以食太耐，一場黎到，點都要試下啦，阻住各位休息了🙏去到小丸子有大約5款，有芥末，芝士，原味等比你揀，我地要左個芝士燒ハ爪魚丸啦！好快就上左粉漿同料比我地，1份有8粒，每張枱上面都有教學，店員都係叫我地跟住黎整。熱好爐就開工啦！先掃左油，好快就feel到油熱左，例滿啲粉漿先，再叫男朋友幫手落配料，配料份量唔算多，岩岩好8粒。心急既我地好快就想反，但見未得就燒多左陣，之後反到90度就倒粉漿。等燒到可以轉到之後再倒漿再反，倒3次就好足夠。開始都唔太識反會，反左幾次有左經驗就快手好多，先將丸既邊用竹籤圍一個圈，等佢唔好痴住個鍋先，再細力督住佢反轉，真係燒熟左既面係十分易反，如果覺得有啲難反可以再燒多陣先。2個人燒左幾個字先食到😂自己燒出黎特別好食，有醬都齊，係差啲木魚絲😆一燒即食好脆身同熱，唔錯，但芝士味就欠奉。如果想快